Aizawl 14th July, 2023: Commonwealth Senior, Junior leh Youth Weightlifting Championships 2023, Gautam Buddha University, Greater Noida, Uttar Pradesh-a neih mek ah Mizo tlangval, Lalruatfela, Bungzung khua chuan India aiawh in, 81 kg Category (Youth) ah Gold Medal a chawi chhuak.
Ruatfela hian Snatch 2nd attempt ah 125 kg a chawi a, Clean and Jerk 3rd attempt ah 155 kg chawi leh in, Gold Medal a chawi chhuak ta a ni.
Ruatfela hian Kum 2019 khan Mizoram Weightlifting Academy, Ramhlum Sports Complex, zawmin Sir Zohmangaiha, MSSC Weightlifting Coach, in bul a tan pui a, Kum 2023 April thla khan, National Centre of Excellence (NCOE) Patiala Punjab ah training tura thlan a ni.
Ruatfela hian North East Games, 2022 ah te, Sub Junior Nationals, 2023 ah te leh 5th Khelo Youth Games, 2023 ah te Gold leh Silver Medal a lo dawng tawh a ni.
Ruatfela kan chhuangin kan lawmpui tak zet a, a kal zelna turah duhsakna kan hlan e.
Attachment
