Aizawl, the 8th January, 2024 : Indian Weightlifting Federation (IWLF) Youth, Junior leh Senior National Weightlifting Championships Itanagar, Arunachal Pradesh a Ni 7, January, 2023 neih zawh takah Jeremy Lalrinnunga chu a vawi hnihna atan Senior National Weightlifting Championships Mipa ah 'BEST LIFTER' atan thlan a ni a, Jeremy Lalrinnunga hian Senior Nationals 2020 Kolkata, West Bengal ah khan Best Lifter nihna a lo hauh tawh bawk a ni.
Jeremy Lalrinnunga hian Senior National Weightlifting Championships ah performance a nei tha hle a, tun tum hi Gold Medal vawi thum (3) a lakna a ni.
Senior National Weightlifting Championships a Jeremy Lalrinnunga sulhnu te:-
1. Senior National Weightlifting Championships Kolkata, West Bengal 2020 : Gold Medal 67kg (Mizoram)
2. Senior National Weightlifting Championships, Patiala, Punjab 2021 : Gold Medal 67kg (Services)
3. Senior National Weightlifting Championships Itanagar, Arunachal Pradesh 2023 : Gold Medal 67kg (Mizoram)
Tun National Championships ah hian Mizoram in Senior ah Gold 1 leh Youth ah Silver 1 an la a, Lalhunthara'n 67kg ah Services tan Bronze Medal a la bawk.
He National Weightlifting Championships-ah hian Mizoram atangin players 15 leh official 3 an kal a ni.
Official
1. K.Lalrammawia, Coach, Ramhlun South
2. PC Remlalliani, Asst.Coach, Lunglei
3. Lalchhandami, Manager, Hlimen
Congratulations to all players and Officials !!
