Dated Aizawl the 11th August, 2023: 18th Senior State Level Weightlifting Championship, 2023 Mizoram a Weightlifting inelna sangber chu Ni 9 - 11 August, 2023 khan, Ramhlun Sports Complex, Aizawl-ah tluang taka zawh fel a ni.
He inelna ah hian Indian Weightlifting Federation duhdan angin, kan international medalists India ram hmun hrang hranga training leh camp a awm mek te - Jeremy Lalrinnunga, Ruatfela, Zakhuma, Zuidika, Jacob Vanlaltluanga leh midangte pawh rawn tel in, competition level a sangin a hmuhnawm hle a, Clean and Jerk-a Mizoram record kum 19 lo ding tawh pawh khum a ni.
He championship ah hian a bik takin MSSC Non Residential Coaching Programme hnuaia zirlai te an che tha hle a, a pumpuiah Gold Medal pakua (9), Silver Medal Pakhat (1) leh Bronze Medal Pali (4) an chawi chhuak a, heng title hrang hrang te hi an hlawhchhuak bawk a ni:-
1. TEAM CHAMPION (YOUTH BOYS) : MSSC NRC
2. TEAM CHAMPION (JUNIOR MEN) : MSSC NRC
3. BEST LIFTER (YOUTH, JUNIOR AND SENIOR GIRLS) : Ramchhanchhuahi, MSSC NRC
4. BEST LIFTER (YOUTH BOYS) : Laithanpuia, MSSC NRC
5. BEST LIFTER (JUNIOR MEN): Isak Malsawmtluanga, MSSC NRC
Medallists zawng zawng te kan lawmpui a, an kal zelna turah duhsakna kan hlan e.
Attachment
