Aizawl, dated the 23rd October, 2026: Mizoram State Sports Council (MSSC) leh Samagra Shiksha Mizoram (SSM) te thawh dunna Grassroots Sports Development Programme (GSDP) thawh hnihna atana inbuatsaihna ni 2 awh ‘Trainers Training’ chu vawiin khan Conference Hall, Ramhlun Indoor Stadium, Aizawl ah zawh fel a ni.
GSDP Trainers Training ah hian infiamna thlanchhuah sports discipline pakua (9) heng - Archery, Badminton, Boxing, Football, Hockey, Judo, Taekwondo, Weightlifting leh Wrestling ah te naupang kum 6 -14 inkar te tan, District hrang hranga Centre 46 ah thla 6 chhung training kalpui leh tur inbuatsaihna neih a ni.
India in kum 2036 a Olympics thlen tuma hma a lak mék laiin, Mizoram sorkar pawhin India aiawha infiammi a tam thei ang ber Mizoram atanga chhuahtir a tum ve mek bawk a; chumi atana inbuatsaihna chi khat Grassroots Sports Development Programme hi nikum atang khan kalpui a lo ni tawh a, kumin hi a thawh hnihna a ni.
Trainers Training ni hnih awhah hian sports lama mi thiam tenen zirhona theory leh practical a neih a ni a. Mizoram hmun hrang hrang aṭanga lo kal Trainers & Assistant Trainer te an phur thar hle.
Grassroots Sports Development Programme (GSDP) 1.0 ah khan district 11-a Training Centre 46 ah kalpui a ni a. Sports discipline hrang hrang pakuaah naupang 1380 an inziaklut a ni.
Related links-
https://sportscouncil.mizoram.gov.in/page/what-is-gsdp
https://www.exploremizoram.com/2026/10/ni-hnih-awh-tur-grassroots-sports.html
https://lenkawl.khampat.com/2026/07/grassroots-sports-development-programme.html#google_vignette
https://www.instagram.com/p/Dam4c_sEcT6/
https://www.thenortheastpost.com/2026/07/mizoram-releases-first-grassroots.html
https://www.youtube.com/watch?v=VY8sEmNRvGs
https://www.facebook.com/watch/?v=2296623887470330
Attachment
