Aizawl the 19th of October, 2026: Vawiin tlai khan Sports & Youth Services Minister Pu Lalnghinglova Hmar chuan Mizoram Tennis Association Golden Jubilee lawmna chu Aijal Club Park-ah Khuallian niin a hmanpui.
Minister chuan Mizoram Tennis Association in Jubilee an lawm thei chu lawmawm a tih thu sawiin association hruaitute thawhrimna leh inpekna rah a ni a ti a. Hruaitu kal ta te leh ni mek ten theihtawpa hma an lakna zarah Mizoram sports chu a thang zel a ni a ti. Pu Lalnghinglova Hmar chuan nu leh pate pawhin kan fate sports hrang hrang zir tura kan fuih a tul a, hemi hian hun lo kal zelah sports a chawikang zel dawn a ni, a ti.
Vawiin jubilee lawmnaah hian Minister chuan hriatrengna/chhinchiahna lungphun (plaque) a hawng a, Pu CC Lalchhuangkima, President MTA chuan golden jubilee T-shirt leh cap tlangzarhin association President leh Secretaries kal ta te chawimawina hun hman a ni.
Attachment
Written by: Biaknungi, MIS, IPRO
