Aizawl the 25th March, 2021: Mizoram State Arm Wrestling Championship Vawi 23-na chu, vawiin atang khan Ramhlun Indoor Stadium, Aizawl-ah neih tan a ni. Kumin a Arm Wrestling inelna-ah hian Mizoram district hrang hrang atangin ‘Arm Wrestlers' 300 vel in hming an thehlut a ni. 

 

Hawnna inkhawm hi Pu John Tanpuia, MCS, Secretary, MSSC chuan a hmanpui a, “Hun rei tak chhung Hripui len avangin sports leh infiamna lam a kalpui hleihtheih lova, mipuiin taksa hriselna lamah kan tlakhniam phah nasa hle, kan thalai leh infiammi te'n a bik takin an tuar nasa a ni. Amaherawhchu, hun tha rawn inherchhuak zelin, tunah chuan infiamna chi hrang hrang kan nei leh thei ta a, a lawmawm tak zet a ni" a ti. Inelna hlawhtling tak, hlawk tak leh hlimawm tak nei thei tura duhsakna hlan in, Inelna hun a hawng a ni.


Attachment