Aizawl, the 5^th April, 2024: Mizoram Motorsports Association (MIMSA) Racing Championchips - Mizoram-a motorsports lama inelna sangber, Vawi 29-na chu Ni 5 April, 2024 zan khan Vaivakawn Cultural Centre-cum-Auditorium, Aizawl-ah Vailiamna 'Flag Off' hun hman niin, tan a ni ta. 

Flag Off Programme-ah hian MIMSA hmalakna hrang hrangte leh Mizo riders ten national level a event hrang hrangah vawi 30 chuang champion nihna an lo hauh tawh thu leh international level ah champion nihna vawi 5 zet an lo hauh tawh thu te report ngaihthlak ani a. He inelna a team tel tur hrang hrangte inhmelhriattirna hun hman a ni bawk.

He inkhawmna hun hi Pu John Tanpuia, MCS, Secretary, Mizoram State Sports Council chuan hmanpuiin, inelna a tel tur zawng zawng te'n an thiamna te hmang chhuak thei a, championship hlawk tak leh hlimawm tak an neih theihna turin leh inelna sang zawk a hlawhtlinna an neih theih zelna turin duhsakna a hlan a. Riders te chu kawng tinrenga insumtheihna leh mahni inthununna kawngah midangte entawn ni zel turin a chah a, a bik takin vantlang kawnga motor khalh chungchangah chetsualna leh thihna hial te a thlen fo lohnan traffic rules zawm that pawimawh zia midangte kawhhmuhtu leh zirtirtu ni zel turin a chah bawk a ni.

Tun tum inelna Tuirial Airfield-a neih tur ah hian Team 16 leh Riders 150 inziak lut in, heng events ah te hian inelna neih tur ani ang:

1. Two wheel Drag Race

2. 4 Wheel Drag Race

3. Two wheel Circuit Race

4. Motocross

Mizoram State Sports Council chuan Championship hlawhtling tak nei thei turin duhsakna kan hlan e.

Attachment