Aizawl, the 28th March, 2025: 5th Mizoram State inter School Karate Championship-2025 chu hlawhtling taka neih niin Dt. 28th March, 2025 khan Joint YMA Multipurpose Sports Complex-ah Pu R.Zomawia, President, All Mizoram Karate Association in khuallian niin a khar. Khuallian chuan Karate player lo kal te chu karate piah lamah lehkha zirna thlahthlam lo tura chah in, thuawihna karate huangchhunga an zir te nunpui zel turin a chah bawk a ni. Tin, karate players hna tha tak tak nei an awm tawh thu te, armed forces hrang hrangah karate players tang mek an awm thu a sawi a. Ruihhlo laka fihlim zel turin thahnemngai takin a fuih bawk.
He championship hi ni hnih chhung neih niin Kata leh Kumite event-ah in elna neih a ni a, School hrang 93 atang players 164 an tel a ni.
Gold medal 7, Silver medal 1 leh bronze medal 1 la in Zomuansanga Elementary School, Mission Veng chu Over all team champion an ni.
Pahnihna-ah Home Mission School niin, Neuhof School Aizawl in pathumna niin an dawt a ni. Model School Upper Republic chu Best Discipline School Team-ah thlan an ni bawk.
Individual trophy
1. Best fighter male: Vanhmingliana, PES Tuikual.
2. Best fighter Female: Hmangaihsangzuali Bawitlung, Mount Carmel HSS
3. Most promising fighter female: Rachel Vanlalruati JC Elementary School.
4. Most promising male:Timothy Rampuia Chhangte, Zomuansanga Elementary School.
5. Youngest players male:Romalsawma Ralte, La montessori School, Mission Veng.
6. Youngest players female:Jophiel Lawmkimi, PES Ramhlun North.
Attachment
