Aizawl the 29th April, 2023: Mizoram State Sports Council - Tata Trusts Grassroots Football Academy hrang hrang te inelna - District Level PMJVK Football Challenge chu Ni 29, April, 2023 khan Mizoram chhunga District hrang hrangah hlawhtling taka zawhfel a ni.
Mizoram State Sports Council - Tata Trusts Grassroots Football Academy District Level PMJVK Football Challenge hi District Headquarters Pakua (9) ah khelh a ni a, Centre tin a trainees Mi 30 te atanga thlanchhuah, Mi 15 te'n Centre aiawhin an khel a ni.
Mizoram State Sports Council Tata Trusts Grassroots Academy hnuaiah hian Centre 60 awmin Mizoram district zawng zawngah Centre dah vek a ni. Heng Centre ah te hian trainees 30 theuh awmin an vaiin trainees 1800 an awm a ni. Heng trainees te hi qualified trainer ten training facilities kimchang nen Football bulthut atangin zirtirna an pe thin a ni. Football training bakah tunlai sports khawvelin a ken tel ei leh in chungchang leh sports-related injuries chungchang te MSSC Nutritionist leh Physiotherapist ten zirtirna an pe thin bawk a ni a, District level tournament a Champion zawng te hian, State level tournament an inkhel leh dawn a ni.
Aizawl District tournament a final leh lawmman semna hun hmanpuitu khuallian Pu John Tanpuia, Secretary, Mizoram State Sports Council, chuan centre tin a kan trainees te'n an thil zir te entir a, naupang te'n football changkang leh hmunawm tak an rawn phochhuak thei hi lawmawm a tih thu a sawi a, District tin a DC/District Sports Committee Chairman te, Football lama hruaitute, naupang nu leh pate leh football tuimi te'n a he tournament an lo hlutpui avangin lawmthu a sawi bawk a ni.
He Tournament hi Mizoram State Sports Council, Tata Trusts, Mizoram Football Association leh District Football Association te nen tangkawpa huaihawt a ni.
Attachment
