Aizawl the 9^th February, 2026: February ni 2 atanga ni 14 thleng awh tur Asian Shooting Championship (ASC) New Delhi-a neih mekah Pu Peter Zohmangaiha, International Shooting Sports Federation (ISSF) B-Judge chu 10 meter Event (Rifle & Pistol)-ah Range Officer atan ruat a ni. 

Pu Peter Zohmangaiha hi Mizoram Rifle Association-a General Secretary ni lai mek a ni a. Mizo zingah National Event piah lama Range Officer hmasa ber anih mai bakah Mizoram Rifle Association chu bungthar a keu pui a ni.

2019 khan Mizo zinga hmasa ber turin Pu Peter Zohmangaiha hian International Shooting Sport Federation hnuaiah ISSF B Judges Course chu a lo zo tawh bawk.

All India, Regional leh State level ah te Rifle/Pistol Shooting Competition ah te medal thahnem tak lo la tawh thinin, Mizoram Police department (MPRO)ah thawk mek a. Chhinga Veng, Aizawl-ah a nupui fanau tenen an cheng a ni.

Attachment