February ni 21 atanga ni 25, 2025 chhunga Pheuntsholing, Bhutan a neih, Bhutan Badminton Federation Open Badminton Tournament 2025 ah Mizoram atangin badminton player pali an inlan a, he tournament khel Mizo player zawng zawngte hian gold medal an dawng vek!
Bhutan Open Tournament hi Badminton World Federation (BWF) puihna leh hriatpuia khelh a niin, India ram state hrang hrang heng Maharashtra, West Bengal, Assam, Nagaland leh Mizoram atangte bakah Singapore, Nepal leh Thailand atangte in player an inlan a ni.
He tournament-a Mizoram player telte result chu:
1. Men's singles Champion: Joseph VL Ringngheta, Kulikawn, Mission Veng Badminton Club (MBC)
2. Men's doubles Champion: Joseph VL Ringngheta, Kulikawn, MBC & Steven Lalhriatpuia, Kulikawn, MBC
3. Veteran (40+) Men's singles Champion: Lalmuanawma, Hlimen, Mizoram Police Badminton Club (MPBC)
4. Veteran Men's doubles Champion: Lalmuanawma, Hlimen, MPBC & H. Lalnunsiama, Saron Veng, Saron Badminton Club (SBC)
Mizoram Badminton Association chuan India ram pâwn thleng a Mizo ti hmingthatu leh Mizo te badminton khawvel a min tilartu, Mizo shuttler-te a chhuangin, lawmman pakhatna an la vek thei hi lawmawm a ti a. India leh Mizoram ti hmingthatu ni zel turin duhsakna a hlan nghal bawk.
Attachment
