Champhai, 13^th May 2025: Vawiin khan Champhai District Sports Committee chu an Chairman, Champhai Bawrhsap Pu Mohammad Aaquib-a hovin DC Conference Hall, Keifangtlangah an ṭhukhawm.

Ṭhutkhawm kaihruaitu Pu Mohammad Aaquib chuan kalkhawmte lawmna thu sawiin, infiamna chu mihring nun peng pawimawh tak a ni, a ti a. Champhai District-a infiamnain hma a sawn zel theih nan kalkhawmte chu thawhpuiah a sawm a, zirna kawnga ṭhalai ten hma an sawn theih nan leh ruihtheihthil laka an fihlim theih nan chak zawka hmalak a ngai a ni, a ti bawk.

Vawiin ṭhutkhawmah hian Champhai District Sports Complex, New Champhai chungchang te, Tlangrawt hmuna Boxing Ring awmna building chungchang te sawiho a ni a. Hei bakah hian kum 2025-27 chhunga District Sports Committee hruaitu thlan thar anih hnua ṭhutkhawm hmasak ber anih angin member-te inhmelhriattirna hun hman a ni bawk.

Attachment

Written by: Lalchhuanawma Ralte, MIS, DIPRO - CHAMPHAI