Dated Aizawl, the 19th September, 2024: Commonwealth Weightlifting Championships Youth, Junior & Senior 2024 Suva, Fiji-a September 17-21, 2024 chhunga neih mekah Mizo rawlthar Lalruatfela chuan Junior 89kg huangah silver medal a chawi chhuak!
India aiawhtu Lalruatfela hian snatch 135kg leh clean and jerk 166kg (total 301kg) chawiin pahnihna dinhmun a luah. Pakhatna chu tualchhung mi Elder Nehemiah niin, ani hian snatch 141kg, clean and jerk 172kh (total 313kg) a chawi.
Mizo rawlthar Ruatfela chawi zat hi senior huanga inelnaah telh nghal a ni a, hemi huangah erawh pangana (5th position) dinhmun luahin medal a la phak lo thung a ni.
MSSC Weightlifting Academy, Ramhlun Sports Complex-a inzir thin Bungzung tlangval Lalruatfela hian hetiang hian India leh Mizoram tan medal alo chawi chhuak tawh-
1. Silver - 5th Khelo Youth Games, 2023 Madhya Pradesh wef. 31.1.2023 - 11.2.2023
2. Gold - Sub-Junior National Weightlifting Championship, 2023
3. Gold - IWLF Youth National Weightlifting Championship,2023 Nagercoil, Tamil Nadu wef. 28.12.2022-7.1.2023
4. Gold - North East Games 2022, Shillong, Meghalaya wef. 9-16.11.2022
Lalruatfela hian kum 2019 khan Mizoram Weightlifting Academy a zawmin MSSC Weightlifting Coach Pu Zohmangaiha enkawlna hnuaiah a inzir a. National Centre of Excellence (NCOE), Patiala chuan 2023 April thla khan training nei tura rawn thlangin, tunah chuan Mizoram chauh ni lovin India huap pawhin a tha berte zinga mi a ni der tawh ani.
MSSC chuan Rualfela hlawhtlinna a lawmpuiin, a kalzelna turah duhsakna a hlan a ni.
Attachment
