Dated Mumbai, the 26th October, 2024: Asian Arm Wrestling International Cup 2024, October 19-26, 2024 chhunga Mumbai-a neih zawh tak-ah Mizo tlangval Denic Lalruattluanga chu 80kg 'Senior Men Right hand' huangah inlanin, gold medal a hlawh chhuak!
Denic-a hian national level-ah pawh gold lo la fo tawhin Mizoram tihmingthatu a lo ni tawh thin a ni. Mumbai khawpuia neih inelnaah hian India alawhin Mizo dang pawh inlan an awm nual gold pakhat bakah hian silver pahnih leh bronze pakhat Mizo ban elhchakte hian an hlawh chhuak.
Benjamin Lalawmpuia Ralte chu 100kg Senior Men Right-a inlan in final lut mah se, gold erawh a hlawh zo ta lo a, silver medal a hlawh chhuak thung.
Melthum nula Vanramnghaki chuan 80kg Senior Women Left and Right-ah silver medal a hlawh chhuak a, Para 80kg Women-ah bronze a hlawh chhuak bawk - medal pahnih nen Vanramnghaki hi a lo haw tihna a ni.
India tana Mizo thalai ban elh chak pathumten medal pali ngawt an hlawh chhuak hi a ropui in, an chhuanawm takzet a ni!
Winkle Laltlanchhunga chu -80Kg Senior-ah India tan a inlan ve bawk a, ani erawh vanduaiin medal a hlawh chhuak zo ve ta lo a ni.
Attachment
