Dated Aizawl, the 14th January, 2025: Pu C. Lalsawivunga, Minister, District Council & Minority Affairs, etc. chuan vawiin khan Mizoram Secretariat Conference Hall, MINECO-ah Mizoram State Sports Council (MSSC) buatsaih, Lunglei, Lawngtlai leh Mamit District-a Ministry of Minority Affairs hnuaia Pradhan Mantri Jan Vikas Karyakram (PMJVK) kaltlanga basketball court 24 leh volleyball court 18 sakte hawnna hun chu khuallian niin a hmanpui a. He’ng infiamna hmun 42-te hi infiamna lama Mizoramin hma a lo sawn a, infiammite’n tangkai taka an hman atan a hawng nghal a ni.
Khuallian Pu C. Lalsawivunga chuan thu sawiin, MSSC hmalakna hnuaia PMJVK sum hmanga infiamna hmunhma 42 lai hawn a ni thei chu lawmawm a tih thu leh Sports Minister zei tak, tuan tha tak, hun thlir lawk thiamna leh ngaihtuahna mumal tak nei bakah Sports Council leh Directorate lama thawktu, sports lama thahnemngai leh tui em em, theihtawp chhuaha ngaihtuahna senga hma latu an awm chu lawmawm a tih thu a sawi a. Kum 2036-a India-in Olympic a thlen tura Mizoram aiawha kan infiammite an tel theih a beisei thu leh hemi tihhlawhtlin nana Minister hova ruahmanna tha tak neia hna an thawk chu lawmawm a ti a.
Minister chuan PMJVK chu hmasawnna ruhrel (infrastructure) dinna atana Central Scheme pawimawh a nih thu leh sawrkarin zau zawka ngaihtuahna neiin, health leh education sector leh a dangah tangkai taka hman tumin ke a pen chho mek tih a sawi a. Sports bungrua leh hmunhma, tha leh zung, ngaihtuahna tam tak bakah cheng tam tak senga siam leh sakte chu duat leh uluk taka enkawl a ngaih thu leh he’ng venhim kawngah hian a awmna khawtlangte’n mawhphurhna sang tak an neih thu sawiin, vawiina infiamna hmun hawn takte chu infiammite’n an hlawkpui nan duhsakna a hlan a ni.
Infiamna hmunhma hawnnaah hian MSSC leh PMJVK (PMU)-a thawkte an tel a. Pu Henry C. Lalrawnkima, Secretary, MSSC-in hun kaihruaiin, “Council hna chu a tha tur a ni,” tih thupuia an neih thu leh vawiina hmun hawn takte hi a theih chen chenah kal chilha enchian dawl vek tura a ngaih thu a sawi a. Pu James Lalramnghaka, Assistant Engineer, MSSC chuan a hnuaia tarlan ang hian technical report a pe bawk a ni.
Kum 2020-2021 khan Ministry of Minority Affairs hnuaia Pradhan Mantri Jan Vikas Karyakram (PMJVK) Scheme atangin Basketball Court with Viewing Gallery leh Volleyball Court with Viewing Gallery siamna atan approval hmuh a ni a. March ni 22, 2022 khan Expenditure Sanction hmuh niin, heng project-te hi district pathum - Lunglei, Lawngtlai leh Mamit District-ah thawh a ni a. Tender chhuah a níh hnuah he hna thawk tur hian M/s Junior Consultancy Services, Tlangnuam, Aizawl, Mizoram chu thlan a ni.
District hrang hranga he project kalpui a nih dan chu hetiang a ni -
A) Lunglei District:
1) Basketball Court with Viewing Gallery: Lunglei District huam chhunga Basketball Court with Viewing Gallery slamna atan hian Rs. 107.11 lakh zel approval hmuh a ni a, heta tanga 90% Rs. 96.40 lakh chu Central Share niin, 10% Rs. 10.71 lakh chu State share a ni bawk. Lunglei District-ah Basketball Court heng hmunah te hian siam a ni.
i. Buarpui
ii. Lunglawn, Lunglei
2) Volleyball court with Viewing Gallery: Lunglei District huam chhunga Volleyball Court with Viewing Gallery siamna atan hian Rs. 32.58 lakh zel approval hmuh a ni a, heta tanga 90% Rs. 29.32 lakh chu Central Share niin, 10% Rs. 3.26 lakh chu State share a ni bawk. Lunglei District-ah Volleyball Court heng hmunah te hian siam a ni.
i. College Veng, Lunglei
ii. Theiriat, Lunglei
B) Lawngtlai District:
1) Basketball Court with Viewing Gallery: Lawngtlai District huam chhunga Basketball Court with Viewing Gallery siamna atan hian Rs. 108.07 lakh zel approval hmuh a ni a, heta tanga 90% Rs. 97.26 lakh chu Central Share niin, 10% Rs. 10.81 lakh chu State share a ni bawk. Lawngtlai District-ah Basketball Court heng hmunah te hian siam a ni.
i. Chawngte P
ii. Chawnhu
iii. Diltang
iv. Paithar
v. Mampui
2) Volleyball court with Viewing Gallery: Lawngtlai District huam chhunga Volleyball Court with Viewing Gallery siamna atan hian Rs. 32.87 lakh zel approval hmuh a ni a, heta tanga 90% Rs. 29.58 lakh chu Central Share niin, 10% Rs. 3.29 lakh chu State share a ni bawk. Lawngtlai District-ah Volleyball Court heng hmunah te hian siam a ni.
i. Chawnhu
ii. Diltlang
iii. Paithar
iv. Chawngte C
C) Mamit District:
1) Basketball Court with Viewing Gallery: Mamit District huam chhunga Basketball Court with Viewing Gallery siamna atan hian Rs. 102.59 lakh zel approval hmuh a ni a, heta tanga 90% Rs. 92.33 lakh chu Central Share niin, 10% Rs. 10.26 lakh chu State share a ni bawk. Mamit District-ah Basketball Court heng hmunah te hian siam a ni.
i. Zamuang
ii. Bungthuam
iii. Lallen
iv. New West Phaileng
v. Phuldungsei
vi. Saithah
vii. West Phaileng
viii. Borai
ix. Kanhmun
x. Kawrtethawveng
xi. DSC, Mamit
xii. Rengdil
xiii. Zawlnuam College
xiv. Zomuantlang
xv. Zampui Phuldungsei
xvi. Mamit
xvii. Darlak
2) Volleyball court with Viewing Gallery: Mamit District huam chhunga Volleyball Court with Viewing Gallery siamna atan hian Rs. 31.20 lakh zel approval hmuh a ni a, heta tanga 90% Rs. 28.08 lakh chu Central Share niin, 10% Rs. 3.12 lakh chu State share a ni bawk. Mamit District-ah Volleyball Court heng hmunah te hian siam a ni.
i. Marpara North
ii. Saikhawthlir
iii. Chhippui
iv. Parvatui
v. Phuldungsei
vi. Saithah
vii. Pukzing
viii. West Phaileng
ix. Borai
x. Rengdil
xi. Zomuantlang
xii. Zampui Phuldungsei
Basketball Court area hi 32x19 metre a zau niin, RCC flooring-a siam a ni a, pavilion leh changing room siam tel a nih bakah, zana inkhelh theih turin lighting system dah vek a ni. Tin, Basketball Court hi Angle iron leh goat proof net hmangin tha taka hung chhuah vek a ni bawk.
Volleyball Court area hi 26x15 metre-a zau niin, RCC flooring-a siam a ni a, RCC gallery, security fencing leh urinal shed siam tel zel a nih bakah zana inkhelh theih nan lighting system dah vek a ni bawk.
Basketball Court sawmhnih-pali (24) siam nana sum sen zat chu Rs. 2,272.32 lakh (@Rs. 94.68 lakh/court) a ni a. Tin, Volleyball Court sawm-pariat (18) siam nan hian Rs. 519.66 lakh (@Rs. 28.87 lakh/court) hman a ni.
Attachment
Written by: Teresa Vanmalsawmi, MIS, IPRO
