Dr. Lalrinawma Hnamte, Vice President, Basketball Federation of India (BFI) leh Senior Vice President, Mizoram Basketball Association (MBBA) ni mek chu Khawvela Basketball thuneitu sang ber Fédération Internationale de Basketball (FIBA) hnuaia Asia Medical Committee member atan ruat a ni.
FIBA Asia hnuaiah hian ram 44 awmin heng ram 44 te hi Sub Zone paruk Central Asia, East Asia, Gulf, Sout Asia, South East Asia leh West Asia ah te then anni leh a. Sub Zone tin aiawh tur hian mi pakhat theuh FIBA Asia Medical Committee ah hian ruat niin Dr. Lalrinawma Hnamte hian South Asia (SABA) ai a awh a ni. South Asia ah hian ram pariat Afghanistan, Bangladesh, Bhutan, India, Maldives, Nepal, Pakistan leh Sri Lanka te an awm a ni.
Player te hriselna leh damdawi hman phal chin chungchanga an fihlim leh fihlim loh enfiahtu zingah Dr. Lalrinawma leh a thawhpuite hian mawhphurhna an lekkawh dawn a, hetiang chanvo nei thei Mizo pa hi a chhuanawm hle a ni.
Attachment
