Aizawl, the 16th October, 2022: Central Sawrkar programme hnuaia "Freedom India Biker Rally" neih mekna kal zelah nimin tlai Dar 3:00 khan Biker te hian Aizawl an lo lut a, Vanapa Hall, Aizawl-ah sawrkar-in Bike rally a tel zawng zawngte hmuahna hun a buatsaih a ni.
Bikers te hian tukin Zing Dar 9:00 khan Tripura pan-a an kal zel na turah Pu John Tanpuia, Secretary, Mizoram State Sports Council chuan a vailiam a. He hun ah hian Pu John-a chuan, "Sawrkarin ram mipuite'n hriselna kan ngaihpawimawh a, hriselna tha kan neih theihna atan tan la theuh tura thuchah in rawn ken hi kan rilru ah a cham reng dawn a, tin, hemi piah lamah hetianga state hrang hrang te tlawh kuala in kalna hian ram pakhat kan nih zia a tichianga, in thil tih hian ram mipuite min ti pumkhat lehzual in, hnam hrang hrang te karah inhriathiam tawnna tha zawk a thlen ngei ang" a ti.
Freedom Run Bikers Rally a tel tur hian India ram state hrang hrang atangin mi 75 thlan khawm an ni a, Mizoram atangin Nula Rosalynn Lianhmingthangi, Bawngkawn, Aizawl leh Tlangval Laltanpuia Chenkual, Mission Veng, Aizawl te an tel a ni.
Bikers te hian Ni 75 chhungin India ram state leh UT 34 a hmun pawimawh 75 an fang kual dawn a, KM 75000 zet an tlan dawn a ni.
Mizoram State Sports Council chuan an thiltum te tluang taka an tih hlawhtlin theih nan duhsakna a hlan e.
Attachment
