Mizoram State Sports Council, Government of Mizoram, India

Aizawl the 8th April, 2022: Mizoram State Sports Council leh TATA Trusts thawhduna hnuaia Grassroots Football Academy dinna tur atana Training of Trainers, Ni 7 leh Ni 8 April, 2022 chhunga neih chu tluang taka zawh fel a ni ta.

He training hi AIFF Grassroots Training Module anga kalpui niin, football skills bakah sports psychology, nutrition, injury and rehabilitation chungchang te pawh mithiam te'n an zirtir a ni.

Grassroots Football Academy hi Mizoram khaw hrang hrang sawmruk (60) a neih tur a ruahman a ni a, tun dinhmunah hian khaw 54 ah tan mai turin inpeihfel a ni tawh a ni.

Training hi Sports Minister Pu Robert Romawia Royte chuan hmanpuiin, "Football infrastructure lamah nasa taka hmalak anih piah lamah he Academy hian skill development lamah nasa takin hmasawnna a thlen dawn a, infiam mite pawhin sports lamah eizawnna tha tak an hmuh phah dawn a ni," a ti.

Training hun hi Sports Deptt. leh MSSC hotute bakah Tata Trusts leh Sports Authority of India (SAI) hotuten an hmanpui bawk a ni.

Attachment