India aiawh a Junior Team lama vawi tam Hockey lo khel tawh, Hnahthial nula, LALRINDIKI   hi i lo hmelhriat  tawh em? 

Lalrindiki (Didiki) hian Sports Authority Of India (SAI) Hockey Centre, Thenzawl ah kum 2010 December khan kum 10 mi lek ni in, Coach- te Miss Lalrampari leh Miss Btei kaihhruaina hnuaiah a inzir tan a. Talent tha tak nei ni in, kum 2016 khan National Hockey Academy, Delhi, ah sawmna hmu in a insawn  leh a ni. 

Hemi hnu atang hi chuan Indian Women's Hockey Team (Junior) ah in hlang kaiin, India aiawh in Competition hrang hrang ah a tel  chho tan a, tunhnai a tournament a tel tawh na  te chu - 

1. 6 Nation International Tournament (Under 23), July, 2018, Belgium.

2.  4 Nation International Tournament (Jr Women), June, 2019, Dublin, Ireland. 

3. Test Match Series, June, 2019, Belarus.

4. 3 Nation International Tournament, December, 2019, Canberra, Australia.

5. Test Series, January, 2021, Chile.

Tun hnai mai khan JW TOPS NCOE TRAINING a tel tura thlan leh ni in,  tunah hian Bengaluru ah an Camp mek a. He training hi Asia Cup (Jr. Womens) Hockey   Championship, July thla a  Japan a neih tur a India team te inbuatsaihna a ni. He championship a titha ram pathum te hi Asia khawmualpui aiawh in World Cup Hockey lo awm tur atan an qualify ang. 

Mizoram State Sports Council chuan a kal zelna tur ah  Didiki duhsakna sang ber a hlan a, a tul dan ang  apiangin support a pe zel dawn a ni.


Attachment-