Aizawl the 23rd November, 2021: Vawiin chawhnu dar 1:00 khan Mizoram State Sports Council buatsaih, Open Gym, New Capital Complex (MINECO) chu Pu T.C. Pachhunga, Vice Chairman, Sports, Youth Affairs, ICT & Tourism Development Board chuan a hawng. He hunah hian Pu H. Lalengmawia, IAS, Commissioner & Secretary, Sports & Youth Services chu Chairman a niin, Pu John Tanpuia, MCS, Secretary, Mizoram State Sports Council chuan Technical Report a pe a ni.
He Open Gym hi “Fit India” programme hnuaia SEDP 2019-20 sum hmanga siam a ni a, insawizawina hmanrua (equipment) chi hrang hrang 21 a hnuaia tarlan te hi dah a ni a, material te hi Arihant Industrial Corporation Ltd. Mumbai te’n Game Time Company, 150 Playcore Drive SE Fort Payne, Alabama, USA te nen tangkawpa an siam a ni.
Sl.No. | Name of Gym Equipment | Qty. | Sl. No. | Name of Gym Equipment | Qty. |
1 | ABS Board Double | 1 No. | 11 | Shoulder Exercise Double | 1 No. |
2 | Aerial Stroller | 1 No. | 12 | Shoulder Twirl Double | 1 No. |
3 | Aero Rider | 1 No. | 13 | Tai Chi Spinner (Forearm) | 1 No. |
4 | Chest Press Double | 1 No. | 14 | Surf Board | 1 No. |
5 | Double Parallel Bar | 1 No. | 15 | Sky Walker | 1 No. |
6 | Hand Rower | 1 No. | 16 | Ovate Stepper | 1 No. |
7 | Hip Twister Triple | 1 No. | 17 | Leg Extension | 1 No. |
8 | Leg Press Double | 1 No. | 18 | Cycle | 1 No. |
9 | Back Extension | 1 No. | 19 | Standard Bench | 2 Nos. |
10 | Leg Lift Post | 1 No. | 20 | Fish Bin | 2 Nos. |
He hunah hian Pu. R Lalzirliana, Minister, Power & Electricity etc. pawh telin, Open Gym hawn theiha a lo awm ta chu lawmthu a sawi a, tangkai taka hman nise a duh thu a sawi a ni. He programme ah hian Sports Department-a Sawrkar mi pawimawh te bakah sawm bik mi engemaw zat an tel a ni.
Khuallian Pu T.C. Pachhunga chuan sawrkar in mipui vantlang hriselna ngai pawimawh-a, a duh apiang tana man chawi lova hman theih insawizawina hmun tha tak siam peih a ni leh ta chu lawmawm a tih thu a sawi a, mipui vantlang, a bik takin thalai leh upa lam te pawhin hmang tangkai turin kalkhawm te a chah a ni. Khuallian chuan, Football chauh nilo, Sports discipline dang pawh uar a tul thu a sawi a. Sports Policy zulzuia zirna inah nasa zawka sports uar a nih tur thu a sawi bawk. Chief Minister leh Sports Minister hma lakna avangin sum tam tak sports atanga (GST leh Cess etc.) lakluh a nih thu leh, State Finance sum dinhmun siamthatna atan pawha tangkai tak a nih thu a sawi bawk.
He programme ah hian Pu. Lalsangliana, MCS, Director, Sports & Youth Services chuan kalkawm te leh Sawrkar mi pawimawh te Open Gym hlawhtlin nana tha leh zung sengtu zawng zawng te chungah lawm thu a sawi a, Programme zawhah hian Open Gym demonstration neih zui nghal a ni.
Attachment
