Aizawl, the 15th February, 2025: Govt. T. Romana College leh Mizoram Arm Wrestling Association-te tangkawp chuan nimin khan ‘Empowering Youth to be Fit, Fierce and Drug-Free’ tih thupuia hmangin Mizoram chhunga College hrang hrang zirlaite inelna, 1st Inter-College Arm Wrestling Competition chu Govt. T. Romana College ground-ah an buatsaih a. He hun hi Pu Lalramsanga Sailo, Secretary, Sports & Youth Service, Excise & Narcotics Department chuan khuallian niin a hmanpui a ni.

Khuallian Pu Lalramsanga Sailo chuan College zirlaite chu ruih theih thil laka filhlim tur leh, taksa leh rilru hrisel leh fit tak nei turin a chah a. Hengte hi hlawhtlinna kalkawnga pawimawh tak leh zawm ngei ngei atana tul a ni tih sawiin, zirlaite chu inthununna tha neia zawm theuh turin a chah a ni.

Hemi puala hun hmanah Dr. Jenifer Lalbiakdiki, Principal, Govt. T. Romana College chuan inlawmna thu sawiin, Arm Wrestling Competition an buatsaih chhan chu ruihhlo laka thalaite an fihlim theih nana cho chhuaktu leh fuihtu a nih beiseina avang a nih thu a sawi bawk.

1st Inter-College Arm Wrestling Competition-ah hian weight category hrang hrang pali a awm a, Mizoram hmun hrang hranga College 10 atangin Arm wrestler 56 an tel a ni. 

He mi rual hian College-ah hian programme pawimawh tak tak hman tel nghal a ni a. Ruihhlo hman sual laka invenna awareness programme neih niin Pi Zothantluangi Chenhrang, Inspector, Excise & Narcotics Department-in zirtirna a pe a. Reserve Bank of India leh TATA AIA te'n Awareness Campaign an hmang bawk.

1st Inter-College Arm Wrestling Competition result kimchang chu hetiang hi a ni:

A) 60 Kg hnuai lam category:

1) Gold: Lalbiakfela, Lunglei Govt. College

2) Silver: B. Lalmuanpuia, Govt. Aizawl College

3) Bronze: Vanlalchuana, Pachhunga University College

B) 70 Kg category:

1) Gold: C. Malsawmtluanga, Govt. T. Romana College

2) Silver: Lalbiakdika, Lunglei Govt. College

3) Bronze: Daniel Vanlalpeka, Pachhunga University College

C) 80 Kg category:

1) Gold: Laldingliana, Govt. T. Romana College

2) Silver: Michael Lalduhsaka, Govt. T. Romana College

3) Bronze: Richard Vanlalrochama, Govt. J. Thankima College

D) 80 Kg chung lam category:

1) Gold: Lalthlanpuia, Govt. T. Romana College

2) Silver: Biakrempuia, Pachhunga University College

3) Bronze: C. Lalruatfela, Govt. T. Romana College

Champion of the Champions: Laldingliana, Govt. T. Romana College


Attachment