Dated Aizawl, the 25th August, 2024: Kotak India Junior International Series 2024, Hyderabad-a August ni 20-25, 2024 chhunga neih chu khelh zawh a ni ta. He badminton tournament lian ah hian C. Lalramsanga S/o C. Lungmuanpuia, Durtlang (Mission Veng Badminton player) chuan Under-19 Mixed Doubles category-ah Bronze medal a dawng.
Lalramsanga leh a partner, Pragati Parida-te hian semi final thleng turin round of 32 ah NS Chauhan & Liza Taank (IND) te chu 21-13, 21-8 in an hneh a, round of 16-ah Aditya Tripathi & Krisha Soni (IND) te chu 21-17, 21-15 in an hneh leh bawk. Tin, quarter final-ah Arsh Mohammad leh Lalrempuii (IND)-te tangdun chu 10-21, 21-18, 22-20 in an hneh leh a ni. He tournament-a thil chhinchhiah tlak tak chu, International level badminton tournament lian quarter final-ah Mizo player an intum hi a ni. A tawpah erawh Ramsanga te an chungnung ta zawk.
Semi final-ah hian Ramsanga te hian he tournament-a Seeded No. 1, Thailand lam mi, Attawut Sreepeaw leh Pannawee Polyiam-te tangdun an tum a, first game 22-20 in an lak hnu ah second game hi an tumpui ten 21-14 in an rawn la ve leh. Deciding game khelh a ngai a, inhneh tawk taka an in nawr tawn zak zak hnu ah 18-15 in hma an hruai hman. Dinhmun tha zawk a an din hnu ah inpawh thlak tir leh in, 22-20 in a chak lo zawk ah an tang ta a, bronze medal-ah an lungawi a ngaih phah ta a ni. Chutih laiin, Ramsanga hi Mizo zingah International level badminton tournament (junior)-a medal la thei hmasa ber a ni a, Mizoram badminton tan history a siam a ni.
Rempuii pawn Quarter-final a thleng!
He Junior International Series badminton tournament lian ah hian Lalrempuii, Serchhip, (Ralte Villa Badminton Club tana khel mek) leh a partner, Arsh Mohammad-te pawn Under-19 Mixed doubles category-ah tho quarter final an thleng a. He round thleng tur hian round of 32-ah Chinese Taipei lam mi, Yan Bin Huang & Lin Yun An-te tangdun chu 21-17, 21-17 in an hneh a, round of 16-ah Ashish Grag & Krishika Mahajan (IND) te chu 21-12, 18-21, 21-16 in an hneh leh bawk. Quarter final-ah erawh Ramsanga leh a partner lakah an vanduai ta a ni.
International level tournament-a Mizoram tana medal la thei hmasa ber Ramsanga leh quarter final thleng thei Rempuii te kan nei hi Mizoram Badminton Association chuan ropui a tiin a chhuang tak zet zet a, an tournament khelh leh zel tur atan duhsakna a hlan nghal bawk.
International level tournament lian khel leh turte
Tunkar Thawhlehni atanga Pune-a neih tan tur, Yonex-Sunrise India Junior International Grand Prix 2024-ah Mizo naupang 4 an inlan dawn. Tournament hi August ni 27 atanga neih tan tur a ni a, September ni 1-ah zawh a ni ang.
He tournament-a Mizo inlan turte chu-
1. H. Lalthazuala, Under-19 Men's singles ah main draw a lut sa.
2. Lalrinkimi, Under-19 Women's Singles-ah Qualifying atangin a khel tan dawn.
3. Lalramsanga, Under-19 Men's Doubles-ah a partner nen seeded no 6-na an ni a, Under-19 Mixed Doubles-ah seeded no 4-na an ni bawk.
4. Lalrempuii, Under-19 Women's Doubles-ah seeded no 4-na an ni a, Under-19 Mixed Doubles-ah main draw an lut sa bawk.
Tournament lian hmachhawn tur kan Mizo shutter-te Mizoram State Sports Council chuan duhsakna sang ber a hlan e.
Attachment
