Mizoram State Sports Council, Government of Mizoram, India

Government of Mizoram

Page Links: https://sportscouncil.mizoram.gov.in/post/jeremy-lalrinnungan-sipai-chawimawina-sang-a-dawngp

JEREMY LALRINNUNGA'N SIPAI CHAWIMAWINA SANG A DAWNG

29^t^h February, 2024: Mizo weightlifter hlawhtling Jeremy Lalrinnunga chuan vawiin khan Indian Armed Forces Chawimawina sang 'Vishisht Seva Medal' a dawng.

Indian Army-a Subedar ni mek Jeremy Lalrinnunga hian Vishisht Seva Medal hi Bipin Rawat Auditorium, Pune-ah Lt. General AK Singh hnen atangin a dawng. Mizo zinga Vishisht Seva Medal dawng hmasa ber ni a hriat a ni.

Jeremy hian national leh international level-ah medal eng emawzat a chawi chhuak tawh a. Youth Olympic Games 2018-ah khan Gold medal chawi chhuakin, India mi zinga Youth Olympic-a Gold medal dawng thei hmasa ber a ni.

Commonwealth Games 2022 leh Commonwealth Championship 2021 ah pawh khan Gold medal a lo chawi chhuak tawh bawk.

Mizoram State Sports Council chuan Jeremy Lalrinnunga a lawmpui a, a kalzelna turah duhsakna a hlan a ni.

Attachment