Dated Kolasib the 1st April 2025: Vawiin khan Kolasib District Sports Committee members ten Kolasib DC Conference Hall ah thutkhawmna an nei a. He thutkhawmna hi District Sports Committee term kal lai mek ni 2.05.2025 a a lo tawp dawn tak avangin term thar a hruaitu hna chelh tu turte nomination leh inthlan dan tur chungchang niin, Pu Vanlalsawma, Senior Vice Chairman, District Sports Committee chuan a kaihruai a ni.
Vawiin thutkhawmna ahhian thurel tur hrang hrang chhawpchhuah a ni a. Chungte chu; Post Vacant leh candidate tur chungchang, Candidate te hming pek luh hun leh a hmun tur, Financial secretary post atan mi (2) pahnih nominate tur chungchang te leh Election hmun leh a hun tur chungchangte an ni. Heng thurel turte hi Pu C Lalrinsanga, DSYO leh Secretary, District Sports Committee, Kolasib ni bawk in sawizauna a neih hnuin kalkhawmte hian sawihona an nei nghal a ni.
District Sports Committee hi kum hnih term niin, Chairman, Secretary leh Financial Secretary post hi Sawrkar in a ruat niin, Post dangte hi Association representatives te hian an thlang thin a ni. District Sports Committee hian Mizoram State Sports Council atangin promotional fund hmu thinin, Kolasib District bikah chuan heng an fund hmuhte hi affiliated associations 19 hnenah an member tam dan te leh tehfung dang hmang te a sem chhuah thin a ni.
Attachment
Written by: David A Lalhmingchhuana, MIS, DIPRO - KOLASIB
