Aizawl the 5th January, 2023: Weightlifter Nula Lalchhanhimi chuan a vawi 4-na atan Nagercoil, Tamil Nadu a IWLF National Weightlifting Championships neih mek ah Gold Medal a chawichhuak leh ta.
Tun kum inelna ah hian Chhanhimi hian ama weight category pangai aia sang 76 KG Weight Category ah a tel a, Snach ah 90 Kg leh Clean and Jerk ah 120 Kg chawiin, Total lift ah 210 Kg chawi tlingin Gold medal a chawichhuak ta a ni.
Chhanhimi hian kum 2018 atang khan national level competition-ah tel chho tan in, tun tum a Gold Medal a chawichhuah hi a zawn a Vawi 4 National Weightlifting Championships a Gold Medal a lakna a ni tawh a ni.
National level a kum 4 chuang consistent taka perform mai pawh nilova, Champion a ni reng thei hi a ropui kan ti a, hetianga tumruhna, taimakna leh inpekna nei Mizo nula kan nei hi kan lawm in kan chhuang hle a ni.
A kal zelna turah Mizoram State Sports Council chuan duhsakna sang ber kan hlan e.
Attachment
