Mizoram State Sports Council, Government of Mizoram, India

Dated Aizawl, the 4th April, 2025: Yonex-Sunrise Pooya's Locker MBA Inter Club Badminton Championship 2025 chu March ni 30, 2025 atanga April ni 4, 2025 chhung khan Mizoram Badminton Centre, Zuangtui ah hlawhtling tak leh ropui taka neih zawh a ni. He tournament lian ah hian Saron Veng Badminton Club (SBC) chu che tha ber in, Overall Champion Trophy an chawi.

Tin, he tournament kharna inkhawmah hian kum 2024-2025 kalta chhunga Mizoram badminton player che tha te chawimawina hun hetinag hian hman a ni.

Player of the season (Mipa): C. Lalramsanga, s/o C. Lungmuanpuia, Durtlang

Player of the season (Hmeichhia): Lalrempuii d/o Albert Lalrosanga, Serchhip thlan

Most Promising Player (Mipa): Malsawmhlua, s/o Albert Lalnunhlima, Serchhip

Most Promising Player (Hmeichhia) : H. Lalrinhlui, d/o H. Zohmangaiha, Chanmari West

MBA Inter Club Badminton Championship hi team inelna a kalpui a ni a. Category 9-ah inel a niin, District Badminton Association 8 atangin team 54 an rawn inlan thei a ni.

Category ngaihhlut hlawh ber, Men's team ah Sihphir Badminton Club (SPBC) chuan New Serchhip Badminton Club (NSBC) chu 3-1 in an hneh a, an champion. Final-ah hian first singles-ah Sainunmawia Sailo, SPBC chuan Lalnuntluanga Hauhnar, NSBC chu straight set in a hneh a, second singles-ah pawh Saitluangpuia Sailo, SPBC in Vanlalmalsawmzuala, NSBC chu straight set bawk in a hneh. Hemi hnu hian first doubles khelh a ni a, Lalnuntluanga Hauhnar leh Lalnunhlua, NSBC te chuan Lalramdinthara leh Lallawmkima, SPBC te chu deciding game-ah an hneh ve thung a, match pawh a nung chho sawt. Third singles khelh a ngai a, an innawr tawn zak zak hnu ah deciding game-ah Lalramdinthara, SPBC in Isak Vanlalhmangaiha, NSBC chu hneh in, best of 5 khelh theih ah 3-1 a chak in an champion ta a ni.

He tournament-ah hian Saron Veng Badminton Club (SBC) chu 55+ Men's team leh U-15 Girl's team-ah te an champion a, U-19 Girl's team-ah silver medal dawngin, a pumpuia team che tha ber an ni a, overall champion trophy an dawng a ni.

Tin, Chanmari Shuttlers Club, Chaltlang Badminton Club leh Mizoram Police Badminton Club-te chuan gold pahnih theuh an la a, Ralte Villa Badminton Club leh New Serchhip Badminton Club-te chuan silver medal 3 ve ve an dawng bawk.

Result kimchang chu a hnuai ami ang hi a ni:

U-15 Boy's team:

Champion: Chaltlang BC

Runners up: Ramhlun United

U-15 Girl's team:

Champion: Saron BC

Runners up: New Serchhip BC

U-19 Boy's team:

Champion: Chaltlang BC

Runners up: New Serchhip BC

U-19 Girl's team:

Champion: Chanmari SC