Mizoram State Sports Council, Government of Mizoram, India

Dated Aizawl, the 1^st August, 2025: NEXA Aizawl tena an sponsor badminton inelna lian, Mizoram State Sports Council Golden Jubilee lawmna pakhat ni pah fawm bawk, NEXA Aizawl Yonex-Sunrise MSSC Golden Jubilee Celebration MBA Junior Official Championship 2025, July ni 29 atanga August ni 1, 2025 inkara neih chu hlawhtling taka zawh fel a ni ta.

He tournament hi Mizoram Badminton Centre, Zuangtui ah nghah a ni a, category hrang hrang 16-ah inelna neih a niin player 185 an tel a, entry 235 lut in, match 232 khel a ni bawk.

MAMA LEH RINHLUI AN LANGSAR

Kar hmasa lam ah MBA Senior Official Championship khelh a niin chuta player langsar pahnih, H. Lalrinhlui, d/o H. Zohmangaiha, Chanmari West, Chanmari Shuttlers Club tana khel mek leh Malsawmhlua, s/o Albert Lalnunhlima, P&E Veng, Serchhip, New Serchhip Badminton Club tana khel te bawk an langsar leh. Malsawmhlua (Mama) hi a telna category pathum ah a champion vek a, Rinhlui pawh a telna category pahnih ah a champion ve ve bawk.

Mama hi Under-19 Boy's singles, Under-19 Boy's doubles leh Under-17 Boy's singles ah te a inlan a, hneh theitu an awm lo. Under-19 BS ah Senior Official-a final a khelhpui, Vanlalmalsawmzuala, New Serchhip BC nen bawk an intum leh a. Tun tumah erawh 18-21, 21-9, 21-10 in hnehna a chang let a ni. Under-19 BD category-ah Vanlalmalsawmzuala nen vek hian tangdun in, Vanlalpeka Sailo leh Vanlalhruaia Sailo, Chaltlang BC te unau tangdun an hneh a. Tin, Under-17 singles-ah pawh Joel Lalramdinmawia, Flick Phantom Badminton Club (FPBC), Champhai nen intum in, straight set in a chak bawk. MBA Senior leh Junior Official championship-ah Mama hian Gold medal 3, silver medal 1 leh bronze medal 1 a vawchhuak a ni.

Rinhlui hi U-19 Girl's singles leh U-17 Girl's singles category-ah te a inlan a. U-19 GS-ah hian Senior Championship-ah final-a a tumpui, Tirza Lalremruati, Sihphir BC nen bawk intum leh in, hnehna a chang nawn leh a. U-17 GS-ah player tha leh hrohrang na, PGBA-a a awmpui tho, Zoramthari, SPBC chu hneh leh in, category pahnih ah a champion a ni. Tun kar hnih chhunga MBA in tournament lian a buatsaih a a inlan chhung hian Rinhlui hian Gold medal 4 leh silver medal 1 a dawng a, Malsawmhlua nen player langsar ber an ni.

RESULT LANGSAR DANGTE

Under-19 a chak zo ta lo leh Senior Championship a silver medalist, Kolasib naupang duhawm, Tirza Lalremruati hian a telna category dang, Under-15 Girl's singles ah lawmman pakhatna a dawng a, final ah Lalnunhluni, Mission Veng Badminton Academy chu a hneh. Under-13 GS leh GD-ah Lalthakimi, New Serchhip BC chu a champion ve ve a. Tin, U-13 GD-a a tanpui, Lalruatkimi chu Under-11 Girl's singles ah champion ve bawk in, ani pawh double champion a ni bawk a ni.

Hunrei tak hnu ah Lunglei District-in MBA tournament liana champion thei an rawn nei thar a, a hming chu Edward C. Lalruatsanga niin, Zohnuai Badminton Club (ZHBC) tana khel a ni. Under-11 Boy's singles category-ah Lalmalsawma Lianhna, MVBA hneh in a champion.

RESULT KIMCHANG

A hnuai ami hi category hrang hranga lawmman la tute an ni:

Under-19 Boy's singles:

Champion: Malsawmhlua, NSBC

Runners-up: Vanlalmalsawmzuala, NSBC

Under-19 Girl's singles:

Champion: H. Lalrinhlui, CSC

Runners-up: Tirza Lalremruati, SPBC

Under-19 Boy's doubles:

Champion: Malsawmhlua & Vanlalmalsawmzuala, NSBC

Runners-up: Vanlalpeka Sailo & Vanlalhruaia Sailo, CTBC

Under-17 Boy's singles: