Aizawl, the 6th April, 2021: Khelo India - Talent Development Scheme hnuaia Sports School hmasaber leh la awmchhun - Assam Rifles Public School, Laitkor, Meghalaya-in India hmarchhak State pasarih huam chhunga Fencing Infiamna a training nei thei tur zawnna a neihna ah, Mizo naupang pasarih thlan chhuah an ni.
Tun dinhmunah India ram pumah Sports School pakua chauh a awm mek a, hetiang school a training nei thei tur atana thlanchhuah te chu talent nei tha leh Olympics Games ah pawh Medal dawng thei tura ngaih te an ni a, a thlanna ah hian Sports Discipline thlan bik ah te leh tehfung hrang hrang hmang a, uluk taka thlan chhuah an ni.
Training an kal chhung hian sawrkar in an hostel awm man te, chawei man te, sports equipment man te, insurance te leh lehkha zirna man zawng zawng a tumsak anga, kum khat chhung training an neih hnuah an performance a zirin, lehkha zirna lama Class - XII an nih thlengin kum tinin training hun pawhsei zel tur a ruahman a ni.
Heng naupang thlanchhuah te hi Sihphir khua vek ni in, Coach Pi Lalmuanpuii hnuaia coaching la mek te an ni.
Heng "Fencers" te hian Ni 6 April, 2021 khan Sports Council Secretary Pu John Tanpuia chu a pisa ah hmu in, hmalam pan a tan la sauh sauh tura infuihna hun tha tak an hmang ho a ni.
Naupangte hming:
1. Alex C. Lalchhuanawma S/o Andy C Lalhruaikima.
2. Samuel VL Remruatpuia S/o PC Lalhrangzuala
3. Lalrinzauva Hrahsel S/o Lalmalsawma
4. Samuel Zothansanga S/o V Zonunsanga
5. PL Hruaimawia S/o Lalneihkima
6. Damean Lalmuankima S/o Lalramliana
7. Lalruathlui D/o Lalneihtluanga
An kal zelna tur ah Mizoram State Sports Council in duhsakna a hlan e.
Attachment
