Mizoram Snooker & Billiards Association (MSBA) buatsaih Mizoram State Snooker championship 2025 neih zawh takah Lalrina Renthlei a champion.

Inelna hi best of 7 (frame li la hmasa chak) a khelh a ni a. Mizoram Snooker & Billiards Association (MSBA) Snooker ranking-a number 1 leh number 2 ten a hmawr an bawk a, Lalrina Renthlei hian final-ahhian Lalsangzela, Khatla South chu 4-2 (frame 4 frame 2) a hnehna changin a chungnung ber a ni.

Tuikhuahtlang tlangval Lalrina Renthlei hian semifinal-ah PB Liansangzuala, Dawrpui Veng a hneh a, Zela hian Zonuntluanga, Electric Veng hnehin final a inhlangkai ve thung a ni.

Snooker Championship 2025-ah hian Mizoram chhung hmun hrang hrang ațangin player 42 an tel a, inelna hi MSBA Hall, Hawla Indoor Stadium, Republic Vengthlangah neih a ni.

Attachment