PRESS STATEMENT

Ni hnih awh Online Seminar on Sports Science chu Ni 31 August leh Ni 1 September 2021 khan neih a ni a. Mizoram State Sports Council buatsaih he Online Seminar-ah hian State Level Sports Association hrang hrang aiawh leh infiammi an tel tha hle a ni.

Google Meet hmanga neih he programme hi Ni 31.8.2021 khan tan niin, Mizoram State Sports Council Secretary Pu John Tanpuia, MCS chuan Inaugural Speech nei in tunlai sports khawvel ah inelna a san zel tawh avangin ram dang te nen inelpha tur chuan Sports Science lam a hma kan sawn a tul takzet a ni tiin hetiang ang programme hi kalpui zel tum a nih thu a sawi.

“Sports Injury Prevention and Rehabilitation” tih thupui hmangin Resource Person Pi Lalthasiami, Physiotherapist, Mizoram State Sports Council hnen atangin he Seminar thawhkhatna ah hian infiammi te tan a tangkai tur pawimawh tak tak zir ho a ni a,  a thawh hnihna ah Pi Lalhmangaihi Zote, Sports Nutritionist, Mizoram State Sports Council chuan, “Nutrition in Sports” tih thupui hmangin infiammi te tan a hriat tur pawimawh tak tak sawina hun a hmang leh bawk a ni.

Pu H. Laldinsanga, Sports Promotion Officer, Mizoram State Sports Council leh Pi K. Vanlalkrosschhuangi, Physiotherapist, Mizoram State Sports Council te kaihhruai he Online Seminar-ah hian zawhna leh chhanna hun te hmangin, a tel te’n an hlawkpuiin a zawngchhang tlak an ti hle a ni.


Issued by Mizoram State Sports Council, Aizawl, Mizoram.

Memo No.SM-7/2013/MSSC - 1                                    :                                                           Dt. 02.09.2021