Dated Aizawl the 23rd June, 2023: Mizoram Wrestling Association chuan Mizoram sawrkar SEDP Scheme atanga tanpuina an dawn atangin District Wrestling Association te hman tur - Training Mat lei in, District pathum - Mamit, Saitual leh Serchhip-te hnenah an hlan.
Training Mat Hlanna inkhawm hi Wrestling Hall, Ramhlun Sports Complex ah neih ni in, Pu John Tanpuia, Secretary, Mizoram State Sports Council in hun hmanpuiin, Mizoram Wrestling Association hruaitu te leh District hrang hrang hruaitute an tel a ni.
Pu John-a chuan Training Mat te District hruaitute hnena hlan in, sawrkar-in SEDP atanga infiamite hmasawnna tur ruahmanna a siam chu thil lawmawm tak anih thu a sawi a. Mizoram Wrestling hruaitute'n Wrestling lama hma kan sawn theihna tura tangkai taka an sum dawn te an hmang chu an fakawm atih thu a sawi. Wrestling chu Mizo te thiam chi tak anih avangin, MWA in a Training Mat a sem chhuah te chuan hmasawnna leh malsawmna a thlen ngei a beisei thu a sawi a ni.
Inkhawm hi Mizoram Wrestling Association President, Pu Ngurthansanga'n kaihruaiin, General Secretary, Pu Lalrochhuanga Colney hnen atangin Mizoram Wrestling Association hmalakna te leh hmachhawp te report ngaihthlak ani a, District Wrestling Association hruaitute hnen atangin thusawi tawi ngaihthlak ani a, Mat Semchhuhna neih anih hnuah Pu Samuel Vanlalhriata, Jt. Secretary, MWA an lawmthu sawina hun hmangin, hun khar a ni.
Attachment
