Aizawl, the 16th February, 2026: Labour, Employment, Skill Development and Entrepreneurship (LESDE) Department hmalakna pakhat Pradhan Mantri Kaushal Vikas Yojana (PMKVY) 4.0 hnuaia Short Term Training (STT) Scheme kalpui mekah Mizoram State Sports Council chu Sports sector-a Job Role pathum (3); Sports Nutritionist, Strength & Conditioning Coach leh Swimming Instructor-ah te training course kalpui tur a thlan a nih angin February 16, 2026 atang khan Sports Nutritionist Training chu kalpui tan a ni ta.
Skill Training hawnna function tawi hi MSSC Secretary Pu Henry C. Lalrawnkima, hova neih a ni a. Pu Henry C. Lalrawnkima chuan trainee te chu theihtawp chhuah tura chahin, Sorkar-in a ruahman anga eizawnna tling ngeia an training la urhsun turin a chah a ni. National Skill Development Council (NSDC) leh Sports, Physical Education, Fitness and Leisure Skill Council (SPEFL-SC) inkaihhruaina dan ang thlap a Training Centre-te buatsaih fel a nih hnuah Sports Nutritionist bik hi February ni 16, 2026 (Thawhtanni) atang khan training hi kalpui tan a ni a, zirlai (trainee) 11 an inziaklut a ni.
Hawla Indoor Stadium, Republic Vengthlang, Aizawl chu Sports Nutritionist leh Strength & Conditioning Coach training centre atan ruahman a ni a. Swimming Instructor training centre atan Aquatics Complex, ITI Veng, Aizawl chu ruahman a ni bawk.
Job role training dang pahnih Strength & Conditioning Coach leh Swimming Instructor training pawh tan thuai turin inpuahchah mek a ni.
Attachment
