Aizawl, the 28^th May, 2025: Mizoram State Sports Council Golden Jubilee Celebration & Mizoram Table Tennis Association Season Opening Table Tennis Championships - 2025 May ni 28 - 30, 2025 chhung a neih tur chu vawiin chawhnu dar 2:00 khan Mizoram Table Tennis Hall, Kawltheihuan, Mission Veng-ah Dr. Lalhmuchhuaka, Vice President, Mizoram State Sports Council chuan a hawng.

Mizoram State Sports Council in an kum 50 tlin lawmna kal zelah an hnuaia Association in ziak lut zawng zawng te'n Golden Jubilee pual hian tournament an buatsaih theuh dawn a ni.

He Table Tennis Championship ah hian District hrang hrang leh Table Tennis Club 18 atangin infiammi 114 te'n Table Tennis inelna huang 14-ah inelna an hmachhawn ang.

Attachment