Aizawl 20th June, 2023: Mizoram State Sports Council chuan sport association pahnih, 45th National Arm Wrestling Championship, Srinagar, Jamu & Kashmir a ni 22-26, May, 2023 chhunga neih leh 47th National Junior Basketball Championship, Kangra, Himachal Pradesh a 14-21, November, 2022 chhunga neiha hlawhtlinna changte lawmpuina hun, thawhlehni chhun dar 12:00 khan Hawla Indoor Stadium, Republic Vengthlangah an hmanga, he hunah hian Secretary MSSC, John Tanpuia, MCS, chuan khuallian niin lawmman a sem a ni.
National Arm Wrestling Championship ah Mizoram aiawhin mi 14 ten medal an la vek a, gold medal 17, Silver 6 leh Bronze 3, avaiin medal 26 an la a ni. Official ah Coach Richard Lalrinmawia leh Lalremsiama niin Manager ah Lalrivunga leh Lalrinmawii ten an ho a ni. Tin, National Basketball Sub Junior Championship ah hian Mizoram aiawhin player 12 leh official Manager Richard Hmingliana leh Coach Marc Lalthlamuana Sailo leh Assistant Coach Dennis Vanlalmawia ten an ho bawk a ni.
Khuallian MSSC Secretary John Tanpuia MCS chuan, kan budget hmang tangkaia national a tel ten hlawhtlinna an chang chu a lawmpui thu a sawi a. Mizorama Sports Association hrang hrang 33 ten vawiina achievement hi kan chhuanga, kan ngaihlu che u a ni, a ti.
Vawiina medal la te hian thui tak kalna tur kan la nei a, taihmakna leh thawhrimna nen, tan ila la sauh sauh ang u tiin players te leh coach te a a fuih bawk a ni.
Inkhawm kaihruaitu Pu H.Laldinsanga Sports Promotion Officer, MSSC chuan, Medal dawngtute chu MSSC chuan a lawmpui tih a sawi a. Medal an dawnte chu vawnghim tlat tur leh tumahin lak let sak phallo turin lo turin a chah a, chak duhna thinlung pu chunga hmalam pan zel turin infiam mite chu a ngen a ni.
attachment
