Aizawl 6th June, 2023: Vawiin tlai dar 5:00 khan Mizoram State Sports Council (MSSC) chuan 21st WTSKF National Karate Championship 2023 leh All India Karate Championship 2023 neih zawh taka Mizoram aiawha Medal la te chawimawina leh lawmpuina Hawla Indoor Stadium, Republic Vengthlangah a nei.
He huna khuallian, John Tanpuia MCS, Secretary MSSC chuan Mizoram aiawha National Karate Championship a medal late chu a lawmpui thu a sawi a. Karate Players enkawltu All Mizoram Karate Association hruaitute chu fakin an hlawhtlinna achievement report MSSC a an thehluhah Achievement nei tha ber pawl an nih thu a sawi.
Karate players naupang nu leh pate pawhin naupangte an game khelhah tuipui turin angen a, theih tawp chhuah leh thahnemngai taka bei zel turin a sawm bawk.
MSSC Secretary chuan, National Championship ah mi 2000 vel kal khawmah Mizoram players ten medal heti zat an dawng thei hi a lawmawm tak zet a ni, a ti. Karate chu khawvela game upa ber pawl niin India ram hi Karate ching chhuaktu a ni a, heta tang hian khawchhak lamah leh khawvel hmun dangah a darh zel a ni, a ti bawk.
Shishan C. Dosavunga Mizoram Karate players atangin Asian Karate Championship 2023, China a awm mai turah trail turin an tling. National Games Goa awm turah Karate an tel a nih chuan Mizoram Karate players te an qualified nual maithei, a ti bawk.
21st WTSKF National Karate Championship 2023, Pedeem Sports Complex, Mapusa Goa a neihah Gold medal 5, Silver 4 leh Bronze medal 4 an la a, All India Karate Championship 2023 ah Gold 1, Silver 1 leh Bronze 7 an la a ni.
Medal la te leh coach manager te Sport Kit bag MSSC chuan an pe a. He hun hi R.Lalrinmawia, MPS, SSPO, MSSC chuan a kaihruaia, championship report team manager leh Coach ten an pe bawk a ni.
Players leh official zawng zawng te, an kal zel na tur ah Mizoram State Sports Council chuan duhsakna sangber a hlan a ni.
Attachment
