Dated Aizawl, the 2nd May, 2023: Vawiin tlai Dar 4:00 khan MSSC Non-Residential Coaching Programme a kalpui mek na hnuaiah Electric Veng YMA Table Tennis Hall ah Table Tennis zirna thar, Pu C. Lalrinzuala, Joint Secretary, MSSC leh President, Mizoram Table Tennis Association ni bawk chuan a hawng.
He centre hnuaiah hian tun dinhmunah zirtur naupang 40 an in ziaklut tawh a ni.
Mizoram State Sports Council chuan kum 2022 - 2023 atang khan a bulthum atanga sports discipline chi hrang hrang mumal taka zir theihna turin MSSC NON- RESIDENTIAL COACHING PROGRAMME a kalpui tan a, tun dinhmunah hian sports discipline paruk - Boxing, Table Tennis, Tennis, Weightlifting, Basketball leh Wrestling te a kalpui mek a, tun hnai lawkah hian Judo leh Athletics coaching tan a tum bawk a ni.
Heng coaching te hi qualified trainer leh coach te'n zirtirna pe in, zingah leh tlaiah te class neih thin ani a, sports science support te, exposure tours, internal competition system leh trainee evaluation system tha tak nen kalpui a ni.
Coaching class hi fee awmlovin, mipa leh hmeichhia kum 13 hnuailam tan zawm theih a ni.
Attachment
![](/uploads/attachments/2023/05/d97b2de63893209d51164055f7216031/344853022-27006601jk5369072-194788374336728454-n.jpg)