Dated Aizawl, the 4^th July, 2026: Pu F. Malsawma (Kum 78), Ex Minister leh MSSC President 2-na chuan zanin dar 7:30 khan chatuan ram min pansan ta.

Pu F. Malsawma hi Politics-ah kum 1975, June thla atang khan a lut a, Kum 1978 MLA thlanna-ah Suangpuilawn Bial atangin thlan tlin a ni. Kum 30 leh thla kua (9) mi chauh niin Brig. T. Sailo (Rtd.) Ministry-ah Cabinet Minister-in a lut a, a hunlai hian India rama Cabinet Minister naupang ber pawl a ni.

1979-a MLA inthlanna neih a nih leh khan a Bial ngai atang bawkin thlan tlin leh a ni a, Brig. T. Sailo (Rtd.) Ministry-ah Cabinet Minister-in a lut leh a. Hetih lai hian Zoram politics hi a buaiin a chiri em em a, an term a zawh hmain, “Remna leh Muanna kawng a awm theih nan,” tiin Minister nihna bansanin an chhungkuain a puzawn Pu Laikunga Hmar te chhungkua Chaltlang lamah an han fin ta a ni.

P.C. Ministry-ah hian Education (Social Welfare, Sports & Youth Welfare, School Education, Higher & Technical), Co-operation, Industries (Sericulture & Industries) Minister a ni.

Kum 1979-a Pu Choudhury, SDO, PWD, thih avanga buainaah, Mizo tam tak Silchar-a tangkhang te zuk luhchilha rawn hruai hawtu kha a ni. Kum 1993-ah MNF Party ticket-in MLA-ah Aizawl North-II bial atangin thlan tlin a ni a, Estimate Committee leh Public Undertaking Committee-ah te Chairman a ni. Kum 1998-ah Aizawl North-II bial atang bawkin thlan tlin nawn leh a ni a, MNF Ministry-ah hian Cabinet Ministerin a awm leh a. School Education, Law & Judicial and Parliamentary Affairs, Health & Family Welfare, Tourism, Information & Public Relations Minister-ah a tang leh a ni. Kum 2013 atangin thangtharte hmun ken ve tawh tha-a hriaiin politics chawlhsan a rilruk a, 2015 khan politics hi a chawlhsan fel ta a ni.

President, Mizoram State Sports Council hna hi 1983 April 25 atangin December 7 thleng a lo chelh tawh a ni.

MSSC chuan a uiin, a kalsan tak a chhungte Pathian awmpuina chang turin duhsakna a hlan a ni.

Attachment