Aizawl the 25th April, 2023: Mizoram State Sports Council - Tata Trusts Grassroots Football Academy District Level PMJVK Football Tournament chu vawiin April ni 25 hian District hrang hrangah Kick Off Programme hman a ni. He Kick Off Programme hi District tina Deputy Commissioner te leh District Sports Committee te’n hawnna hun hi an hmanpui a, Tournament hian Ni 5 chhung a awh ang.
Mizoram State Sports Council - Tata Trusts Grassroots Academy hnuaiah hian Centre 60 awmin Mizoram district zawng zawngah Centre dah vek a ni. Heng Centre ah te hian trainees 30 theuh awmin an vaiin trainees 1800 an awm mek. Heng trainees te hi qualified trainer ten training facilities kimchang nen Football bulthut atangin zirtirna an pe thin a ni. Football training bakah tunlai sports khawvelin a ken tel ei leh in chungchang leh sports-related injuries chungchang te MSSC Nutritionist leh Physiotherapist ten zirtirna an pe thin bawk a ni.
Mizoram State Sports Council - Tata Trusts Grassroots Football Academy District Level PMJVK Football Tournament hi District 11 ten District 9 ah Tournament hi an khel dawn a. Aizawl, Champhai, Khawzawl, Kolasib, Mamit, Saitual, Serchhip ten anmahni District theuhah an khel ang a, Lunglei leh Hnahthial ten Lunglei-ah an khel ang, Lawngtlai leh Siaha ten Lawngtlai ah an khel bawk ang.
He Tournament hi Mizoram State Sports Council, Tata Trusts, Mizoram Football Association leh District Football Association tenen tangkawpa huaihawt a ni.
Attachment
