Aizawl 4^th July, 2023: Vawiin chawhnu dar 2:00 khan Hawla Indoor Stadium, Conference Hall, Republic Vengthlangah Mizoram States Sport Council chuan tun hnaia Sport Association pahnih Muaythai Association of Mizoram leh Mizoram Arm Wrestling Association te Mizoram tana an fehchhuaha hlawhtlinna an chan lawmpuina hun an hmang. 

Mizoram Muaythai Association  hian Mizoram aiawha Senior World Muaythai Championship, Bangkok, Thailand a ni 3-13 May, 2023 chhunga neihah hian India aiawhtu Mizo tlangval chuan Bronze medal a la a, hei bakak hian Muaythai National Championship Film City, Chenai, Tamil Nadu ni 26-30, June, 2023 chhunga neihah Mizoram Muaythai chuan final an luh vek thu sawiin, Gold medal 1 leh Silver medal 4 an la bawk a ni. Tin, Mizoram Arm Wrestling Association in Sheru Classic Tournament Delhi a ni 16-18, June, 2023  chhunga neihah Arm Wrestler mi 5 kalin mi 4 in medal an la a, Gold Medal 3 leh Bronze medal 1 an la bawk. Heng medal late hi Mizoram State Sport Council chuan chawimawina hun hmang a ni. 

Khuallian C. Lalrinzuala, Jt. Secretary Mizoram State Council chuan Mizoram aiawha leh India ram aiawha medal late a lawmpui thu a sawi a. Mizoram in Sport lama hma kan sawn leh zualna tur chuan Infiammite kan pawimawha, Infiammite avangin Sport Infrastructure kan nei thei chauh a ni, thahnemngai leh hmasawn leh zual turin infiammite chu a sawm bawk a ni. 

He hun hi R. Lalrinmawia MPS Senior Sports Promotional Officer chuan he hun hi kaihruai a ni.

Attachment