Aizawl the 26th April, 2022: Ni 28 April - 4 May, 2022 chhunga North East Sports Week, Imphal, Manipur-a neih tur atan Mizoram aiawh turin players leh officials 94 an feh chhuak.
Mizoram aiawh tur te hi sports discipline panga - Archery, Badminton, Boxing, Football leh Table Tennis atang te a thlan an ni.
Players leh officials vailiamna hun hi vawiin Dar 11:00 khan Pu TC Pachhunga, Vice Chairman, SEDP Board, Sports, Tourism & ICT, chuan MST Bus Terminal, Chaltlang-ah a hmanpui a ni.
Mizoram Contingent hi Chef de Mission Pu H. Laldinsanga, Sports Promotion Officer, Mizoram State Sports Council hovin infiammi 76 (Mipa-44, Hmeichhia-32) leh officials 18 (Mipa-11, Hmeichhia-7) an vaiin mi 94 an thawk chhuak a, Archery team-ah mipa hlang tih loh chu discipline tinah hian mipa leh hmeichhia an inlan kim vek dawn a ni.
Mizoram State Sports Council chuan Mizoram Team chu tluang tak leh hlawhtling taka lo haw leh turin duhsakna a hlan.
Attachment
