Bangalore, the 1^st June, 2025: May ni 25 atanga June ni 1, 2025 inkar khan Bangalore-ah Badminton inelna lian, Yonex-Sunrise All India Junior Ranking Badminton Tournament 2025 chu buatsaih a ni a. He inelna ah hian Lalrempuii, d/o Albert Lalrosanga (L), Serchhip chuan Mixed doubles category-ah bronze medal a vaw chhuak.

Mixed doubles category-ah hian Rempuii hi Showrya Kiran J. nen tangdun in, qualifying round atangin inelna bul an tan a, vawi thum an chak zawn hnuah main draw an lut. Main draw hi round of 32 atangin an khel tan a,  harsatna nei lo in quarter final thleng straight set veka chakin, semi final hi an lut a ni.

Semi final-ah he tournament-a champion ta, Vishnu Kedhar Kode leh Keerthy Manchala-te inkawp lakah 21-18, 21-19 in an vanduai a, bronze medal an dawn a ngaih phah ta a ni.

He tournament-ah hian  Rempuii hi Tanoo Chandra nen inkawp in Girl's doubles category-ah an inlan bawk a, Seeded no 1 an ni nghe nghe. Quarter final-ah an vanduai a, lawmman pawisa fai dawng mah se no mawi chawi pha zingah an tel pha lo. Tin, H. Lalthazuala, Chanmari West pawh in he tournament-ah vek hian Boy's singles category-ah quarter final a thleng a ni.

Attachment