Mizoram State Sports Council chuan sports chi hrang hrang inkhelhna tur - Sihphir khua a Multipurpose Indoor Stadium chu a sa zo ta.
He indoor stadium sakna tur atan hian NEC Scheme atangin Rs. 12.78 Crore sanction hmuh a ni.
Indoor stadium hi chhawng thum a (G+2) sak ani a, a dung Metre 50 a vang Metre 33.5 a ni.
A hnuai ber (Ground Floor) ah hian Motor Parking (Motor Sawmnga vel lenna), Drivers Rest Room, Toilet- te dah ani a. Chhawng hnihna ah Sports hrang hrang Training Hall turte, Dormitory, Gym leh Toilet dah a ni.
A chhawng chungber ah hian Main Hall, Players Changing Room, Official-te awmna room te, Conference Room te, Toilet te dah a ni a, Main Hall ah hian Badminton Court Pali a leng a, Sports chi chi hrang inkhelh theihna tur atan a siam ani a, Viewing Gallery a awm bawk a ni.
Mizoram State Sports Council chuan thalai te tan malsawmna leh infiamna lama hmasawnna thlentu anih ngei theih a beisei.
Attachment
