Aizawl, the 16th April, 2021: Ni 19 April, 2021 atanga Uzbekistan khawpui Tashkent-a neih tur Asian Weightlifting Championship a tel turin Sports Icon Jeremy Lalrinnunga a thang mek. He inelna a tel tur hian Jeremy-a leh India team te hian Chandigarh-ah leh Mumbai ah te inbuatsaihna hun engemaw chen an hman hnuah nimin khan Tashkent an thleng a ni.


He championship hi Olympic Games a tel thlanna (Qualifying event) atan inelna hnuhnung ber a ni tawh a, he inelna ah hian a hlawtling anih chuan, tun hnai lawka Japan khawpui Tokyo-a lo awm tur - Olympic Games atan a tling pha dawn a ni.


Mizoram State Sports Council chuan Jeremy-a hnenah hlawhtling ngei turin duhsakna sangber a hlan e.


Attachment