Dated Aizawl, the 20th August, 2026: Vawiin tlai dar 3:00 khan 8th Mizoram State Sports Council General Body Meeting hnuhnung ber chu Pu Lalnghinglova Hmar, Sports Minister & President, MSSC hovin Conference Hall, Hawla Indoor Stadium-ah neih a ni.
Vawiin meeting-ah hian member an kal tha hle a. MSSC Secretary Pu Henry C. Lalrawnkima, MCS hnen atangin 8th MSSC hun chhunga hnathawh leh hlawhtlinna te report chipchiar tak ngaihthlak a niin, 2026-2027 Annual Programme te bakah thu pawimawh tak tak sawiho a ni.
Tin, Mizo nula chhuanawm Lalremsiami Hmar, Indian Women's Hockey forward-in Mizo infiammite tana Mellung thar phun a 'Arjuna Award 2025' a dawn tur chungchangte sawihona hun hlimawm tak neih a ni bawk.
1976 a din Mizoram State Sports Council hi term khat kum thum zel niin, tarlan angin tunah hian term 8-na hman mek a ni a, September 2026 atang hian rokhawlhna dang a awm anih loh chuan 9th Mizoram State Sports Council din thar leh a ni ang.
Attachment
