Aizawl, the 19th July 2022 : Nimin Ni 18th July, 2022 khan Pu Robert Romawia Royte, Hon’ble Minister, Sports & Youth Services kaihhruainain Online meeting, Google Meet hmanga neih a ni.
Meeting-ah hian Pu T.C. Pachhunga, Vice Chairman, Sports & Youth Services, ICT & Tourism Development Board te, Dr. Lalrozama, IAS, Secretary, Sports &, Youth Services te, Pu P.C. Rindika, Joint Secretary, SYS te, Pu Joseph H. Lalramsanga, Director SYS leh Mizoram State Sports Council atangin Pu John Tanpuia, Secretary te bakah Secretariat leh Directorate officer te an tel a. District tin atangin Deputy Commissioner te leh an aiawhte kim taka tel bawkin District Sports & Youth Officers ṭhenkhat an tel bawk a ni.
Chairman chuan District tinah District Sports & Youth Office siam tuma hmalak mek a nih thu te tarlang hmasain Mizoram Sorkar-in thalaite hmakhua ngai taka ke a penna hi a hlawhtlin chhoh zel beiseina nen hmathlir duhawm tak a awm thu a sawi a. Tin, a hnen aṭang hian Mizoram Sports Policy 2019 tha tak duan chhuah a nih dan te leh infiam mite hamṭhatna tura sorkarin chak takin hma a lak mek dante ngaihthlak a ni bawk.
Centrally Sponsored Scheme hrang hrang, PMJVK te, Khelo India Scheme te leh a dangte hmanga Mizorama Sports infrastructure-in hma a sawn dan te leh District tam zawkin PMJVK scheme kaltlanga hmunhma ṭha an neih theih dan tur te sawi lan a ni a. Heng bakah hian infiam mite tana hamṭhatna, Incentive Cash Award leh The Mizoram Sports Award chungchang te pawh sawiho a ni.
He meeting-ah hian District Sports Committee inrelbawl dan tur Power-point presentation Pu John Tanpuia, Secretary, MSSC chuan fiah fel takin a entir a. District hrang hranga District Sports Committee kalpui a nih mek dan leh tuna regulation thar, The Mizoram Sports Council (Formation and Functioning of District Sports Committee) Regulation 2022 nen a danglamna te inhrilhfiah a ni a, zawhna leh chhanna hun hlawkthlak tak hman a ni bawk. DC hrang hrangte atangin rawtna, zawhna leh chhannate neih a ni bawk.
The Mizoram Sports Council (Formation and Functioning of District Sports Committee) Regulation 2022 ang hian District zawng zawngah District Sports Committee Deputy Commissioner te Chairman-na hnuaiah kalpui a ni tawh dawn a. Tuna DSC lo din tawh leh awm mek te pawh thiah a, dan thar anga inruat/inthlan thar a tul dawn avangin Sawrkar lam pawhin hemi chungchangah hian thuchhuah mumal tak a siam tur thu te ngaihthlak a ni.
Attachment
Video Clip : Online meeting on District Sports Committee Google Meet
