Aizawl, 30th March, 2021: March 29 khan ICT Minister Pu Robert Romawia Royte chuan Chawngte-ah cheng nuai 282.80 senga sak tur Hostel lungphum leh nuai 140 senga sak tur Community Service Centre lungphum te a phum.
Hostel lungphum phumna function hi Pu RM Chakma Ex-CM leh MDC in a kaihruai a. Pu Robert Romawia chuan Youth Services Minister a nih angin thalaite hmasawnna tura theihtawp chhuah zel a tum thu a sawi a. IT facilities hmanga zirna tih hmasawnna tura ICT Department-in Smart Classroom Project ruahmanna a siam chu sanction hmuh a nih tawh thu a sawi.
Community Service Centre sakna tur lungphum phumna ah Minister Pu Roberta chuan Mizoram Sorkarin hmun harsa leh kilkhawrte thlengin hmasawnna tur ruahmanna tha tak tak a nei tih sawiin Chawngte leh a chhehvel pawhin hun hmasa lama hmasawnna an la hmuh ngai loh Astroturf Football Ground te, CSC te, Smart Classrooms te, Hostel sakna tur ruahmanna te chu a tarlang a. Pu Laltawnliana VCP Chawngte 'P' in function a kaihruai a. Lawngtlai East bialtu MLA Pu H.Biakzauva pawhin he function hi telpuiin khawtlangin a hman tangkai tur CSC an neih thar dawn avangin thalaite leh infiammite a lawmpui thu a sawi a ni.
Nimin vek khan Rangte khuaa nuai 140 senna tur Community Service Centre lungphum pawh Sports Minister hian a phum nghal a. Hemi puala vantlang inkhawm hi Rangte VCP in kaihhruaiin Sports Minister chungah khawtlang aiawhin lawmthu a sawi a ni.
Hostel lungphum phumna function hi Pu RM Chakma Ex-CM leh MDC in a kaihruai a. Pu Robert Romawia chuan Youth Services Minister a nih angin thalaite hmasawnna tura theihtawp chhuah zel a tum thu a sawi a. IT facilities hmanga zirna tih hmasawnna tura ICT Department-in Smart Classroom Project ruahmanna a siam chu sanction hmuh a nih tawh thu a sawi.
Community Service Centre sakna tur lungphum phumna ah Minister Pu Roberta chuan Mizoram Sorkarin hmun harsa leh kilkhawrte thlengin hmasawnna tur ruahmanna tha tak tak a nei tih sawiin Chawngte leh a chhehvel pawhin hun hmasa lama hmasawnna an la hmuh ngai loh Astroturf Football Ground te, CSC te, Smart Classrooms te, Hostel sakna tur ruahmanna te chu a tarlang a. Pu Laltawnliana VCP Chawngte 'P' in function a kaihruai a. Lawngtlai East bialtu MLA Pu H.Biakzauva pawhin he function hi telpuiin khawtlangin a hman tangkai tur CSC an neih thar dawn avangin thalaite leh infiammite a lawmpui thu a sawi a ni.
Nimin vek khan Rangte khuaa nuai 140 senna tur Community Service Centre lungphum pawh Sports Minister hian a phum nghal a. Hemi puala vantlang inkhawm hi Rangte VCP in kaihhruaiin Sports Minister chungah khawtlang aiawhin lawmthu a sawi a ni.
Attachment
Edited by: PB Lianthangpuii, MIS, Deputy Director
