Lunglei the 29th April 2022 : Ni 28 & 29 May 2022 hian Sports Minister Pu Robert Romawia Royte chuan Lawngtlai Residential Sports School, Lawngtlai College Veng a sak mek chu a tlawh a. He Sports Academy hi PMJVK Fund Rs. 4100 Lakh senga sak tur a ni a. He project ah hian Hostel building 2, Principal Quarter, Staff Quarters, Academic Building bakah AstroTurf football ground, Multipurpose Hall, Basketball Court leh Volleyball Court te a awm dawn a ni.
Contractor te sawi danin buildings ho ah hian 40% vel zawh tawh a ni. A hmuna tlawhtu Sports Minister chuan LADC hotute leh Lawngtlai College Veng hotuten tha taka hna an lo vil thin chu lawmawm tiin Contractor te pawh hna tha tak zela hnathawk zui zel turin a chah a ni.
He hunah hian LADC EM leh MDCs te leh Sports Minister te hian Lawngtlai District Sports Complex chungchanga hmalakna te thlirho niin, a hmun samfai anih tawh thu leh Tender process mek anih thu leh a hmuna hnathawh hi May 2022 a tan hman nise tia rel a ni. Lawngtlai DSC atan hian Rs. 5009 Lakh sanction tawh niin 50% chu release tawh a ni. Sports Minister chuan LADC a EM leh MDCs te chu an bial theuha SyS Department hnathawhte lo vil uluk turin a ngen a ni.
Sports Minister Pu Roberta hian ni 29/4/22 hian Lungleia Residential Sports School Zobawka sak mek a tlawh bawk a. Hna hi overall in 60% vel zo tawha chhut a ni a, Rs. 4100 Lakh senna tur a ni. He hmunah hian Lunglei DSYO leh Forest Deptt tangkawpa thingphunna neih niin Pu Robert Romawia Royte, Sports Minister, MLA Dr. K. Pachhunga leh officials leh Party hruaituten an phun a. Minister chuan Zobawk Sports Academy area chu Ngawpui hmun nuam taka a siam turin tanlak tum a ni a ni.
Minister hian Theiriat Venga field laih zawm ngai pawh tlawhin Bialtu MLA hmasa Pu S. Laldingliana(L) in bul alo tan chu zahawm tiin a chhunzawmnan Rs. 30 lakh a pek ve tur thu a sawi. Hemi zawh hian Lunglawn Venga Community Service Centre Rs. 140 Lakh senga sak tan mai tur lung a phum bawk. Minister chuan Lunglei District Sports Complex Rahsi Venga sak tur pawh May thlaah hna tan theih beisei anih thu a sawi bawk.
Attachment
Written by: C. Lalremruati, MIS, DIPRO - LUNGLEI
