Dated Aizawl the 9^th June 2026: Vawiin chawhma khan Sports & Youth Services Minister Pu Lalnghinglova Hmar chuan MSSC Conference Hall, Hawla Indoor Stadium, Aizawlah tun hnaia India ram pum huapa Arm Wrestling leh Muaythai ine   lnaa lawmman la te lawmpuina hun a hmanpui.

Minister chuan Mizoram tihmingthatute chu a lawmpui em em thu a sawi a. Infiammite chu an hmazawn theuhah a tha ber thleng thei tura an rilru leh an taksa buatsaih turin a fuih bawk. Mizoram sawrkarin infiammite hmasawnna turin ruahmanna a siam mek zel a. An thiamna leh theihnate hmanga Mizoram chawimawitute chu lawmthu a hrilh bawk a ni.

Minister hian Contact Sports-te hmasawnnan Centre of Excellence of Boxing chu ITI-ah din tum a nih thu a sawi a. Ministry of DoNER atangin Administrative Approval and Financial Sanction (AFS) cheng vaibelchhe 38.39 sanction a nih tawh thu sawiin, infiammite tan hmasawnna thlenna tur a nih ngei a beisei thu a sawi bawk a ni.

He hunah hian Mizoram Arm Wrestling Association Finance Secretary Pu Lalremsiaman report pein 4th PAFI National Arm Wrestling Championship 2026, 29th May - 2nd June, 2026 a Gandhinagar, Gujarat-a neihah Mizoramin Medal 35 - Gold 14, Silver 13 leh Bronze 8 an lak thu a sawi a. Muaythai Association of Mizoram Treasurer Pu V Lalmuankima pawhin 7th Youth National Muaythai Championship 2026, 1st - 4th June, 2026-a Haldwani, Uttarakhand-a neihah Mizoramin medal 20 - Gold 9, Silver 8 leh Bronze 3 an lak thu a sawi bawk a ni.

Lawmpuina inkhawm hi Pu Henry C Lalrawnkima, MSSC Secretary chuan a kaihruai a. Infiammite leh Mizoram Arm Wrestling Association leh Muaythai Association of Mizoram hruaitute an tel a ni.

Attachment

Written by: Rosangzuala Ralte, MIS, IPRO