Dated Aizawl, the 17th June 2026: Vawiin chawhma khan Sports & Youth Services Minister Pu Lalnghinglova Hmar chuan Rajiv Gandhi Stadium, Mualpuiah National Cadet Corps (NCC) North Eastern Region Directorate buatsaih, Inter-Group Under-17 Hmeichhe Pre-Subroto Cup Final match leh kharna inkhawm chu khual lian niin a hmanpui a. Aizawl Group-in 2-0 a Guwahati Group hnehin an champion a ni.

Minister chuan thu sawiin Hmarchhak infiammite chu football-a India ram hmachhuan ber an ni mek zel a ni a ti a. India-ah pawh Hmeichhe football chuan hma a sawn zel a, he Cup-a khel infiammite pawh level sang tak thleng ngei turin duhsakna a hlan bawk a ni.

Pre-Subroto Cup-ah hian Hmarchhak bial atangin group pariat - Silchar Group, Aizawl Group, Kohima Group, Jorhat Group, Guwahati Group, Shillong Group, Tezpur Group leh Dibrugarh Group te an inel a. Result kimchang hetiang hi a ni:

1. Aizawl Group

2. Guwahati Group

3. Shillong Group

4. Jorhat Group

5. Tezpur Group

6. Dibrugarh Group

7. Silchar Group

8. Kohima Group

Attachment