Aizawl 18^th September, 2024 : Pu Lalnghinglova Hmar, Sports Minister chuan vawiin tlai khan Tuirial-a Sports & Youth Services Department ram atana ruahman BSF awmna leh Tuirial Airfield hluite a hmunah kalin a enfiah.

Sports Minister hi Rakesh Panwar, BSF Commandant-in lo dawngsawngin an ram luah lai hi Compensation 3.5 lakhs-in Sports Department-in tangkai zawka an hman atan an kutah hlan an tum a. He hmunah hian nakin huna rampum huap Sports Event a thlen pawha dawlzo thei turin Project siam dan turah hmalak tum a ni. 

Tuirial Airfield leh a bul vela Tourism Department hmalakna-a Eco-adventure Circuit Swadesh Darshan hnuaia building sak te chu tangkai zawka hman dan tur dap ni se tiin airfield runaway protected area bulhnaia mimal ram 35 zet leh In sate chu dan anga chhuahtir a, Sorkar-in laklet dan ngaihtuah ni se tih a ni bawk.

Vawiina a tlawh Sports & Youth Services ram tur atana thlitlaiah hian BSF 38th Battalion an awm mek a. BSF awmna bik ram zau zawng hi acre 3.19 (11.23 bighas) a ni. 

Minister hi Pu Lalramsanga Sailo, Secretary, Sports & Youth Services Department, Pu Henry C. Lalrawnkima, Secretary, Mizoram State Sports Council leh Pu John Tanpuia, Joint Secretary, Sports & Youth Services Department, Pu C.Lalramsanga, Jt. Director, Sports & Youth Services Department, Pu Lalngilneia Colney, Youth Welfare Officer, Sports & Youth Services Department leh Pu James Lalramnghaka, Asst. Engineer, MSSC te'n an tawiawm a ni.

Attachment

Written by: Paul Rokima, MIS, IPRO